Olaylar.az xəbər verir ki, son həftələrdə İspaniya və Portuqaliya sahillərində iberiyalı qatil balinaların (kosatkaların) fəaliyyəti artıb. Bu heyvanlar xüsusilə yelkənli yaxtalara hücum edir, sükanlarını sındırır və ekipajları dənizdə çarəsiz qoyurlar. 2020-ci ildən bəri təxminən 500 hücum hadisəsi qeydə alınıb, onların ən azı dördü yaxtaların batması ilə nəticələnib. Avqustun 21-də kosatkalar Almaniyaya məxsus yelkənli qayığın sükanını qoparıb, avqustun 30-da isə başqa iki yaxtaya ciddi ziyan vurublar. Hadisə şahidləri hücumların məqsədli göründüyünü deyirlər - balinalar birbaşa sükanlara zərbə vururlar. Mütəxəssislər bu davranışı "Belə Gladis" (White Gladis) adlı dişi kosatkanın keçmişdə aldığı travma ilə əlaqələndirirlər. Onun gəmilərlə toqquşması və ya tora düşməsi nəticəsində yaranan stress səbəbindən hücumlara başladığı, digər kosatkaların isə bu davranışı təqlid etdiyi bildirilir. Digər alimlər isə bunun aqressiya yox, oyun olduğunu düşünürlər. Onların fikrincə, əsasən gənc kosatkalar darıxdıqları üçün gəmilərlə belə "oynayırlar". Qeyd edilir ki, balinaların hədəfi insanlar yox, yalnız sükan mexanizmləridir.
Hücumlar insan itkisinə səbəb olmayıb, amma bəzən kosatkaların özləri zərər görür. Bir halda balina driftdə qalan gəminin vintindən ağır xəsarət alıb. Alimlər vurğulayırlar ki, iberiyalı kosatkalar çox sosial və ağıllı heyvanlardır, hətta "moda" kimi davranışlar formalaşdırırlar. Lakin insanların onların qida siyahısına daxil olmadığı və məqsədli şəkildə insanlara zərər vermədikləri aydındır.Təklifinizi, şikayətinizi bizə yazın. Sizi dinlərik.
055 634 88 31
