Qapıçı futbol matçı zamanı sinəsi ilə penalti zərbəsini qaytararkən ölüb
Braziliyada qapıçı Antonio Edson dos Santos Souza mini-futbol matçı zamanı sinəsi ilə vurulan penalti zərbəsini dəf etdikdən qısa müddət sonra dünyasını dəyişib.
Qaziler.az bildirir ki, bu barədə sentyabrın 3-də "CNNBrasil" telekanalı məlumat yayıb.
Faciə ölkənin şimal-şərqindəki Para əyalətinin Auqustu-Korrea bələdiyyəsində həvəskarlar turnirində oyun zamanı baş verib.
"Qapıçı sağ küncə tullanaraq zərbənin qarşısını aldı, lakin komanda yoldaşlarına tərəf gedərkən yıxıldı", - telekanal xəbər verir.
İdmançı təcili xəstəxanaya yerləşdirilsə də, onu xilas etmək mümkün olmayıb.
QAZİLER.AZ
