Telegram rəhbəri: Slavyan ölkələri heç vaxt Qərbi Avropaya səbəbsiz müdaxilə etməyib, əksinə, Qərbdən belə hallara dəfələrlə rast gəlinib...
Poliqon xəbər verir ki, Telegram-ın yaradıcısı və rəhbəri Pavel Durov ABŞ iş adamı İlon Maskın sosial şəbəkədə etdiyi tarixi assosiasiyalara dair paylaşımına sərt reaksiya verib. Maskın “slavyan” və “qul” sözlərinin mənşəyi ilə bağlı yazdıqları geniş müzakirələr doğurub və Durovun açıqlaması da buna cavab kimi səslənib.
Durov bildirib ki, slavyan xalqları tarix boyu Qərbi Avropaya səbəbsiz və birtərəfli şəkildə heç vaxt müdaxilə etməyiblər. Onun sözlərinə görə, əksinə, Qərbi Avropa ölkələrinin slavyan torpaqlarına müdaxiləsi tarixdə bir neçə dəfə qeydə alınıb. “Heç bir slavyan dövləti əsassız şəkildə Qərbə yürüş etməyib, halbuki Qərbin slavyan torpaqlarına təcavüzünün çoxsaylı nümunələri var”, – deyə o vurğulayıb.
Ekspertlər hesab edirlər ki, Durovun bu çıxışı yalnız tarixi faktlara deyil, həm də hazırkı beynəlxalq münasibətlərdə Qərb və Şərq arasında yaranan gərginlik fonunda siyasi məna daşıyır. Onun açıqlaması sosial şəbəkələrdə də geniş rezonans doğurub və istifadəçilər arasında kəskin mübahisələrə səbəb olub.
Poliqon.info
