“İstəyənlər koalisiyasında” iştirak edən 26-ya yaxın ölkə Ukrayna ərazisinə hərbi kontingent göndərməyə hazır olduqlarını bildiriblər.
Bu barədə assosiasiyanın Parisdə keçirilən iclasının yekunlarına dair mətbuat konfransında Fransa prezidenti Emmanuel Makron bildirib.
“Həqiqətən, bu gün bizim 26 ölkəmiz var ki, onlar rəsmən öhdəlik götürüblər, bir neçə başqa ölkə hələ də öz mövqelərini yumşaldır, lakin 26 ölkə Ukraynaya qoşun yeritmək öhdəliyi götürüb”, o qeyd edib.
Qeyd olunur ki, bu tədbirlər Ukrayna tərəfi üçün təhlükəsizlik təminatı kimi nəzərdə tutulub. Fransa prezidentinin sözlərinə görə, sülhməramlı qüvvələr “quruda, dənizdə və havada” iştirak edəcəklər.
