Xızı, 4 sentyabr, Elxan Yusifli, AZƏRTAC
Taxtakörpü-Ceyranbatan su kanalının Xızı rayonunun Sitalçay kəndindən keçən hissəsində batan şəxsin meyiti tapılıb.
AZƏRTAC-ın bölgə müxbiri xəbər verir ki, sentyabrın 2-də Tovuz rayonu sakinləri olan iki qardaş - 23 yaşlı Ramazan və 26 yaşlı Orxan Abdıyevlər kanalda boğulublar.
Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri dərhal axtarışlara cəlb olunublar.
Qardaşlardan birinin meyiti sentyabrın 2-də, digəri isə bu gün aşkarlanaraq sudan çıxarılıb və aidiyyəti üzrə təhvil verilib.
Faktla bağlı Xızı Rayon Prokurorluğunda araşdırma aparılır.
