Bu yay "Karvan-Yevlax"dan ayrılan qapıçı Məmməd Muradovu heyətinə qatan "Zaqatala"nın digər qapıçısının da kimliyi müəyyənləşib.
Bu barədə Fanat.Az-a bölgə təmsilçisinin baş məşqçisi Rüstəm Məmmədov məlumat verib:
"Digər qapıçımız daha öncə də "Zaqatala"da oynamış Davud Şabanov olacaq. Davud əsgərlikdən qayıdıb və hazırda komandanın düşərgəsindədir".
Xatırladaq ki, "Karvan-Yevlax" ötən 1-ci Liqadakı mübarizəni 3-cü pillədə başa vuraraq elitada oynamaq hüququ qazanıb. "Zaqatala" isə 34 xalla 5-ci olub.
Nihat
