Türkiyənin Milliyyətçi Hərəkat Partiyasının (MHP) sədri Dövlət Baxçalı bəyan edib ki, əgər Suriya Demokratik Qüvvələri (SDF/YPG) Dəməşqlə əldə olunmuş razılaşmaya əməl etməsə, Ankaranın Suriya hökuməti ilə birgə hərbi əməliyyat keçirməsi qaçılmaz olacaq. Ulusal.az xəbər verir ki, bu barədə türk mediası məlumat yayıb.
Xatırladaq ki, martın 10-da Suriya hakimiyyəti SDF-in dövlət institutlarına inteqrasiyası ilə bağlı sazişin imzalandığını elan etmişdi. Rəsmi açıqlamalarda razılaşmaya sadiqlik ifadə olunsa da, praktikada SDF-in ziddiyyətli siqnallar verdiyi bildirilir.
