Apple köhnəlmiş məhsullar siyahısını yeniləyərək ora üç yeni Mac modelini əlavə edib. Siyahıya 2015-ci ilin əvvəlində buraxılmış sonuncu 11 düymlük MacBook Air, həmçinin 2017-ci ilin dörd Thunderbolt 3 portlu 13 düymlük MacBook Pro və həmin ilin 15 düymlük MacBook Pro modeli daxildir. Bu barədə MacRumors yazır.Apple-ın təsnifatına görə, məhsul satışdan dayandırıldıqdan sonra yeddi ildən çox keçibsə, o “köhnəlmiş” hesab olunur. Belə cihazların təmiri Apple Store və rəsmi servis mərkəzlərində, adətən, həyata keçirilmir. Lakin Apple qeyd edir ki, MacBook-lar üçün satış dayandırıldıqdan sonra 10 ilə qədər batareya dəyişimi mövcud ola bilər — əgər ehtiyat hissələri tapılarsa.11 düymlük MacBook Air istehsalı 2016-cı ilin oktyabrında, Touch Bar ilə ilk MacBook Pro modellərinin təqdimatından sonra dayandırılmışdı. Amma nəzərə alsaq ki, o, yalnız indi köhnəlmişlər siyahısına düşüb, deməli, 2018-ci ilə qədər bəzi resellerlərdə satışda qalırdı.Hazırda MacBook Air modelləri 13,6 və 15,3 düym ekran ölçülərində təklif olunur. Daha kompakt noutbukları sevənlər üçün isə Apple-ın 12,9 düymlük yeni MacBook buraxacağı barədə şayiələr dolaşır. Bildirilir ki, cihaz iPhone 16 Pro-da istifadə ediləcək A18 Pro çipi ilə təchiz olunacaq.Bundan başqa, Apple saytında iPhone 8 Plus-un 64 GB və 256 GB versiyaları da “vintaj” məhsullar siyahısına daxil edilib. “Vintaj” statusu satışdan beş il sonra verilir və bu cihazların təmiri yalnız ehtiyat hissələri mövcud olduğu müddətcə mümkündür. İki ildən sonra isə onlar da tam köhnəlmiş hesab olunacaq. Xatırladaq ki, iPhone 8 və iPhone 8 Plus 2017-ci ilin sentyabrında iPhone X ilə birlikdə təqdim olunmuşdu.Ulusum.az
Diqqət Çəkənlər
Qızılı rəngli, yumşaq və qatı mürəbbəli piroq
ABŞ Rusiyanı Ukrayna ilə sülh danışıqlarına çağırdı
Analizsiz vitamin qəbul etmə: gizli risklər
