ain.az xəbər verir, Ayna saytına əsaslanaraq.
“Biz müdafiə xərclərinə dair qərarımız sayəsində ümumilikdə NATO-nu qoruya bildik”
Almaniya hökuməti müdafiə xərclərini artırmaq üçün “borc əyləcini” (büdcədən aldığından daha çox pul xərcləməyi qadağan edən qayda) yumşaltmağa qərar verməklə NATO-nu dağılmaqdan xilas edib. AYNA.AZ TASS-a istinadən xəbər verir ki, bu fikirləri Almaniya kansleri Fridrix Merz deyib.
“Biz müdafiə xərclərinə dair qərarımız sayəsində ümumilikdə NATO-nu qoruya bildik. Mən NATO-nun Haaqa sammitində idim. Əgər biz əsas qanunu dəyişməsəydik və biz Almaniya ÜDM-in 3,5%-ni müdafiəyə və 1,5%-ni lazımi infrastruktura xərcləməyə hazır olmasaydıq, o zaman bu NATO elə həmin gün süqut edə bilərdi. Biz bunun qarşısını aldıq”, - kansler əlavə edib.
NATO liderləri iyunun 24-25-də Haaqada keçirilən NATO sammitində müdafiə xərclərini ÜDM-in 5%-nə qədər artırmaq barədə razılığa gəliblər. 2035-ci ilə qədər Alyans hərbi xərclərin razılaşdırılmış tərifi əsasında ÜDM-in ən azı 3,5%-ni və mühüm infrastrukturun, şəbəkələrin qorunması, vətəndaş hazırlığının və dayanıqlığının təmin edilməsi, innovasiyaların stimullaşdırılması və hərbi-sənaye kompleksinin gücləndirilməsi üçün ÜDM-in 1,5%-ə qədərini ayıracaq.
Martın 25-də Almaniyada konstitusiya dəyişiklikləri qüvvəyə minib ki, bu da artan müdafiə xərclərinin maliyyələşdirilməsi üçün sözdə borc əyləcini yumşaltmağa və 500 milyard avro dəyərində xüsusi infrastruktur fondu yaratmağa imkan verib.
Ən son xəbərləri və yenilikləri almaq üçün ain.az saytını izləyin.
