İsrail ordusu Qəzzada HƏMAS-ın hərbi qanadı "İzzəddin Əl-Qəssam"ın sözçüsü Əbu Ubeydəni öldürməyə cəhd edib.
İsrail qüvvələrinin Qəzza şəhərində yüksək rütbəli HƏMAS üzvünə zərbələr endirdiyini İDF və Şin Bet birgə bəyanatda təsdiqləyib.
Məlumatda bildirilir ki, hücumun hədəfi HƏMAS hərbi qanadının sözçüsü Əbu Ubeydə olub.
İsrail rəsmiləri "Jerusalem Post"a bildiriblər ki, onlar onu öldürəcəklərinə ümid edirlər, lakin onun ölümü ilə bağlı heç bir təsdiq yoxdur.
Qeyd edək ki, Əbu Ubeydə 7 Oktyabr hadisələrində iştirak etmiş HƏMAS-ın əsas hərbi rəhbərliyindən sağ qalan son böyük liderlərdən biridir.
(Müsavat)
