ain.az, Bizimyol portalına istinadən məlumat yayır.
Süni intellekttin bir çox istifadə sahəsi olduğu kimi, təəssüf ki, pis niyyətlə istifadə olunan sahələri də mövcuddur. Yeni trend isə hakerlərin kod yazmadan antivirusları aşa bilməsi və zərərli proqramlar istehsal etməsidir.
Bizimyol.info "webtekno"ya istinadən xəbər verir ki, ESET adlı təhlükəsizlik şirkətinin hesabatına görə, bir haker yeni inkişaf etdirdiyi fidyə proqramında süni zəka istifadə edərək antivirus proqramlarını aldada bilib.
"PromptLock" adlı bu zərərli proqram, kompüterdəki faylları şifrələyərək kilidləyir və bunun müqabilində ödəmə tələb edir.
Normalda antivirus proqramları bu tip hücumları tez bir zamanda aşkarlaya bilir, amma süni intellekt sayəsində proqram hər dəfə fərqli davranışlar göstərdiyi üçün aşkar edilməsi çox daha çətinləşir. Üstəlik, bu proqram "Windows", "Mac" və "Linux" kimi müxtəlif əməliyyat sistemlərində işləyir və xüsusilə kripto cüzdanlarını hədəf alır.
Mütəxəssislərə görə, bu proqramı inkişaf etdirən şəxsin inkişaf etmiş proqramlaşdırma biliklərinə belə sahib olmadığını düşünürlər. Yəni, artıq kod yazmağı bilməyən, ancaq süni intellekti idarə edən şəxslər belə bu cür təhlükəli hücumlar həyata keçirə bilər.
Siber təhlükəsizlik icmalarında bu yeni nəsil hakerlərə "prompt kiddie" (komanda uşaq) adını verirlər, çünki onların əlində yalnız süni intellektin verdikləri əmrlər olur, amma bu belə ciddi təhdidlər yaratmağa kifayət edir.
Mütəxəssislər istifadəçilərə diqqətli olmağı və təhlükəsizlik proqramlarını yeniləməyə davam etməyi tövsiyə edirlər.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
