Bizimyol saytından verilən məlumata görə, ain.az xəbər verir.
Bundan əvvəl nadir hallarda geniş ictimaiyyətin iştirakı ilə keçirilən bir mərasim Pxenyanın xaricdəki hərbi müdaxilələrinin nəticələri ilə bağlı təşkil edilib. Şimali Koreya lideri Kim Çen In davam edən Rusiya-Ukrayna müharibəsində həlak olan hərbçilərin ailələrinə başsağlığı verib.
Bizimyol.info xəbər verir ki, KXDR-in rəsmi informasiya agentliyi olan Mərkəzi Telegraf Agentliyi (MTAK) bildirib ki, dünən "Koreya Xalq Ordusunun xarici bölmələrinin" ikinci milli mükafatlandırma mərasimi keçirilib.
Partiyanın rəsmi qəzeti olan "Nodon Sinmun" isə qeyd edib ki, Kim Çen In şəxsən həlak olan hərbçilərin ailələrinə dəstək verib və onlara şəkillərini təqdim edərək, baş əyib.
Mərasim, Pxenyanın dövlət banket salonunda keçirilib. Kim, həlak olan hərbçilərin ailələrinə, üzərində Şimali Koreya bayrağı olan portretlər təqdim edib.
Kim, həmçinin vəd edib ki, xaricdə keçirilən əməliyyatlarda həlak olmuş hərbçilərin övladlarının tərbiyəsini öz üzərinə götürəcək.
"Onlar heç vaxt mənə qısa bir məktub belə yazmadılar, amma mən inanıram ki, onlar evlərini və sevdikləri uşaqlarını mənə etibar ediblər. Onların oğulları və qızları bizim inqilabi məktəblərimizə göndəriləcək, burada mən, dövlət və ordumuz onların yaxşı tərbiyəsini tamamilə öz üzərimizə götürəcəyik", — deyə o bildirib.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
