ain.az, Bizimyol saytından verilən məlumata əsaslanaraq xəbər yayır.
Almaniya Federal Hökumətinin kansleri Fridrix Merzin Rusiyanın sosial şəbəkələr vasitəsilə Almaniyanın işlərinə müdaxilə etdiyi barədəki bəyanatı ilə bağlı Rusiya Xarici İşlər Nazirliyinin rəsmi nümayəndəsi Mariya Zaxarova "bu artıq psixiatrların işidir" deyib.
Bizimyol.info xəbər verir ki, diplomat, Merzin, Almaniyanın Rusiya ilə münaqişə vəziyyətində olduğunu iddia etdiyi sözləri şərh etdi. Onun fikrincə, bu vəziyyət Rusiyanın Almaniyanın böyük bir hissəsini "destabilizasiya etdiyi" və sosial şəbəkələr vasitəsilə müdaxilə əməliyyatları apardığı ilə bağlıdır.
"Bu artıq psixiatrların işidir: Almaniya üç il ərzində neonasist Kiyev rejiminə silahlar, o cümlədən ağır hərbi texnika göndərir, amma sosial şəbəkələr onları narahat edir", - deyə Zaxarova qeyd edib.
Zaxarova vurğulayıb ki, Almaniyanın Minsk sazişləri ilə bağlı aldatmacası yüz minlərlə insanın həyatına son qoyub, lakin indi Berlini "sosial şəbəkələrdəki pişiklər" hədələyir. "Minlərlə insan Qərbin, NATO-nun və xüsusilə Almaniyanın Ukraynanın daxili işlərinə müdaxiləsinin nəticəsi olaraq əzab çəkir. Bu, 2014-cü ildəki dövlət çevrilişinə və dövlətçiliyin məhvinə səbəb oldu. Yüz minlərlə öldümə, yarlanmalara səbəb oldu. Bu, Almaniyanın və beynəlxalq icmanın Minsk razılaşmaları ilə bağlı verdiyi yalanların nəticəsidir. Və indi, görəsən, onlara sosial şəbəkələrdə pişiklər təhdid edir?" - deyə o əlavə edib.
P.S: "Kimdə nə çatışmırsa, daha çox onun barəsində danışır" deyiblər. Zaxarova həm Baydeni, həm Trampı ağılsız adlandırıb, həm Zelenskiyə dəli deyib, həm də Makronu düşünmək qabiliyyəti olmamaqda qınayıb, indi isə Merzin psixiatrlara ehtiyacı olduğunu bildirir. Bütün bu siyasətçilər xalqları tərəfindən demokratik yolla seçilmiş liderlərdir. Onların heç biri 25 il davamlı ölkə rəhbəri postunda ilişib qalmayıb, müəyyən müddətə seçilib, ölkəyə rəhbərlik edib gedib və ya edirlər. Görəsən xanım Zaxarovanın özündə nə problemi var?
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
