Bizimyol saytına istinadən ain.az xəbər verir.
Almaniya Federal Hökumətinin kansleri Fridrix Merz, Ukraynadakı münaqişə məsələsində Avropa İttifaqını yalnız Almaniya hökumətinin rəhbərinin birləşdirə biləcəyini hesab edir.
Bizimyol.info xəbər verir ki, o, bu barədə Bonn şəhərində Şimali Reyn-Vestfaliya Xristian-Demokratik İttifaqının (XDI) konqresində bildirib.
"Əgər Almaniya kansleri bu işi görməzsə - Avropalıların birliyini təmin etməzsə, müharibə və sülh kimi məsələlərdə Avropa səviyyəsində birliyin təmin olunmasına diqqət yetirməzsə, əgər bunu Almaniya kansleri etməzsə, onda Avropada bunu heç kim etməyəcək", - deyə o bildirib.
"Əgər Almaniya indi Avropada liderlik etmək üçün hazırdırsa, əgər Avropa bir arada qalarsa, onda bizi eşidəcəklər. O zaman öz maraqlarımızı müdafiə edə bilərik", - deyə Merz qeyd edib.
Eyni zamanda, Merz iddia edib ki, əgər Almaniya öz ÜDM-nin 3,5%-ni müdafiəyə və 1,5%-ni vacib infrastruktur və digər sahələrə ayırmaq haqqında açıqlama verməsə və digər ölkələr onun ardınca getməsəydi, Niderlandın Haaqa şəhərində keçirilən NATO sammiti "ola bilsin ki, alyansın əvvəlki formada sonuncu tədbiri olacaqdı". "İndi bizdə yeni NATO var, indi biz müdafiə siyasətində yeni bir yoldan gedirik", - deyə o, əlavə edib.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
