Xəbər verdiyimiz kimi, üç ildən çoxdur həbsdə olan meyxanaçı Rəşad Dağlının (Rəşad Əmirov) ilk dəfə cəzaçəkmə müəssisəsindən görüntüsü yayılıb. Videoda ifaçının saçlarının ağarması, xeyli çəki atması diqqət çəkib.
Publika.az xəbər verir ki, ailəsi bununla bağlı açıqlama yayıb.
"Yayılan video ilə bağlı çoxsaylı zəng və mesaj gəlir. Hamıya cavab verə bilmirik. Rəşad Dağlının səhhəti yaxşıdır. Narahatçılığa heç bir əsas yoxdur. Sağlamlıqla əlaqədar həkim məsləhəti ilə pəhriz saxlayıb, idman edib, çəki atıb. Videodakı görüntüdə işığa görə saçları elə görünür. Narahat olmayın", - deyə paylaşımda qeyd edilib.
