“Bəzi qidalar insanın daha sürətli düşünməsinə və məlumatı yaxşı yadda saxlamasına kömək edir.
Ölkə.az xəbər verir ki, bu barədə həkim-terapevt, dietoloq Arina Mamina yaddaş üçün faydalı qidaları "Ufatime.ru"ya müsahibəsində danışıb.
Onun sözlərinə görə, yaddaş üçün giləmeyvələr faydalıdır. Məsələn, qaragilə, böyürtkən və çiyələk beynin qocalmadan qorunmasına kömək edən antioksidantlarla zəngindir. Qırmızı zoğal və moruq isə iltihabı azaldır ki, bu da zehnin aydınlığı üçün vacibdir, – deyə həkim izah edib.
Yaddaş üçün faydalı tərəvəzlər sırasında terapevt brokoli və ispanağı qeyd edib. Onların tərkibində düşünmə sürətini artıran K vitamini və lutein var. O, həmçinin damarları genişləndirən çuğunduru və yaddaşın yaşla bağlı zəifləməsinin qarşısını alan luteolin maddəsini özündə saxlayan çiy yerkökünü rasiona əlavə etməyi tövsiyə edib.
Bundan başqa, həkim yaddaşı stimullaşdırmaq üçün portağal, kivi, avokado, qabıqlı alma, qoz və badam, yağlı balıq, tünd şokolad yeməyi məsləhət görüb: "Hər gün bir ovuc qoz-fındıq və ya giləmeyvə yemək, ayda bir dəfə bir kiloqram yeməkdən daha faydalıdır".
Həmidə İbrahimova
