Britaniya hökuməti İsrail ordusunun Qəzza zolağında keçirdiyi hərbi əməliyyatlara görə İsrail rəsmilərinə Londonda keçirilən böyük müdafiə sərgisində iştirak etməyi qadağan edib və bu, iki hökumət arasında münasibətləri daha da gərginləşdirib.
Bloomberg bu barədə məlumat yayıb.
“Britaniya hökuməti cümə günü bildirib ki, İsrailin Qəzza zolağında münaqişəni gücləndirməsi “yanlış” olub və “nəticədə” 9-12 sentyabr tarixlərində Londonda keçiriləcək DSEI UK tədbirinə heç bir İsrail hökuməti nümayəndə heyəti dəvət edilməyəcək”.
Agentliyin yazdığı kimi, Londonun bu qərarı Qəzza zolağı ilə bağlı İsrail və onun əsas avropalı müttəfiqləri arasında gərginliyin növbəti mərhələsini nümayiş etdirir.
