Redaktor.az saytından alınan məlumata görə, ain.az bildirir.
Minsk qrupunun ləğvi 2025-ci ilin dekabrına qədər tamamilə ləğv edilməsi planlaşdırılır.
Mövzu ilə bağlı Redaktor.az-a açıqlama verən Milli Məclisin deputatı Bəhruz Məhərrəmov bildirdi ki, Azərbaycan və Ermənistan arasında mövcud olmuş münaqişənin nizamlanması məqsədilə formalaşmış ATƏT-in Minsk qrupu fəaliyyəti dövründə nəinki uğursuz təcrübə ortaya qoydu, üstəlik bölgədə münaqişənin davamlılığında maraqlı subyekt kimi davranıb:
“Regionda sülh və sabitliyə özünün maraqlarına təhdid kimi yanaşan ayrı-ayrı subyektlər isə bu prosesdə Minsk qrupuna açıq dəstək verib. İnstitutun hətta münaqişə tərəfi kimi davranmasına nail olmağa çalışıb. Çox təəssüflər olsun ki, Minsk qrupunun həmsədri olan dövlətlər ötən dövr ərzində Ermənistana açıq şəkildə hərbi-siyasi yardımlar etməklə elə münaqişə tərəfi kimi davranıblar. Azərbaycanın Vətən müharibəsi və antiterror tədbirlərində böyük Zəfərinin ardınca artıq bölgədə münaqişəyə son qoyulması fonunda yaranan yeni reallıqda isə onsuz da əhəmiyyətini 2019-cu ildən itirmiş Minsk qrupunun formal mövcudluğunu regionda sülhün davamlılığı üçün əngələ çevirdi”.
Millət vəkili əlavə etdi ki, Azərbaycan sülh prosesinin əsas şərtlərindən biri kimi onsuz da faktiki mövcud olmayan ATƏT-in Minsk qrupunun hüquqi cəhətdən ləğvi tələbini irəli sürdü:
“Yaranan yeni reallıqda bu situasiyanı qəbul etmək istəyən ayrı-ayrı qüvvələr, eləcə də onların təhriki ilə Ermənistan ATƏT-in Minsk qrupunun hüquqi cəhətdən ləğvi ilə barışmaq istəməsələr də Azərbaycan Prezidentinin yaratdığı geosiyasi konfiqurasiya hər kəsi Bakının hərbi-siyasi yolla yaratdığı status-kvo ilə barışmağa məcbur etdi. Beləliklə Vaşinqtonda Azərbaycanın və Ermənistanın xarici işlər nazirlərinin imzaladığı bəyanat əslində Azərbaycanın bu istiqamətdə böyük diplomatik qələbəsi olmaqla yanaşı həm də bütövlükdə regionu təcavüzkar alətlərdən birindən xilas etmiş oldu”.
Nuriyyə NATİQQIZI
Hadisənin gedişatını izləmək üçün ain.az saytında ən son yeniliklərə baxın.
