...SİA-nın məlumatına görə, Aleksandr Lukaşenko Çinə işgüzar səfərə gedəcək və burada müxtəlif tədbirlərdə iştirak edəcək. Onların arasında Şanxay Əməkdaşlıq Təşkilatının (ŞƏT) sammiti, İkinci Dünya Müharibəsinin başa çatması münasibətilə keçirilən bayram tədbirləri, “həmkarlarla” görüşlər var.
Sammit iştirakçıları Tyantszin bəyannaməsini imzalayacaq, 2035-ci ilə qədər inkişaf strategiyasını təsdiq edəcək, bir sıra sazişlər imzalayacaqlar.
Bundan əlavə, “ÇXR rəhbərliyinin dəvəti ilə” sentyabrın 3-də Pekində Lukaşenko Yaponiya militarizmi üzərində qələbənin və İkinci Dünya Müharibəsinin başa çatmasının 80 illiyinə həsr olunmuş bayram tədbirlərində iştirak edəcək.
O, Tiananmen meydanında keçiriləcək paradda da iştirak edəcək.
Əli Babayev
