Ukrayna Prezidenti Vladimir Zelenski Kiyev üçün Avropa İttifaqı və ABŞ-dən tələb olunan üç əsas təhlükəsizlik zəmanətini açıqlayıb.
Redaktor.az “Strana” nəşrinə istinadən xəbər verir ki, Zelenski bunları belə sıralayıb:
Birincisi, Ukrayna Silahlı Qüvvələrinin hazırkı sayının saxlanılması və ordunun Avropa və ABŞ tərəfindən maliyyə və silahla tam təmin olunması.
İkincisi, “NATO işığı” adlı konsepsiyanın müzakirəsi gedir. Bu, Kiyevin müttəfiqlərdən hərbi əməliyyatların bərpa olunacağı təqdirdə konkret dəstək və addımlar barədə zəmanətlər almaq cəhdidir.
Üçüncüsü isə Rusiyaya qarşı sanksiyaların davam etdirilməsi və dondurulmuş Rusiya aktivlərinin Ukraynanın bərpası üçün istifadə olunmasıdır.
Zelenskinin bu tələbləri ölkənin təhlükəsizliyinin təmin olunması və münaqişənin sülh yolu ilə həllinə yönəlib.
Aminə Şahsuvarqızı
