Xəbər verdiyimiz kimi, Ağdaş Rayon İcra Hakimiyyətinin başçısı Orxan Rüfət oğlu Hüseynzadəyə işində yol verdiyi ciddi nöqsanlara görə şiddətli töhmət elan edilib.
Bu barədə Prezident İlham Əliyev bununla bağlı Sərəncam imzalayıb.
Tribunainfo.az sözügedən İcra başçısının dosyesini təqdim edir.
Orxan Rüfət oğlu Hüseynzadə 1983-cü ildə Bakı şəhərində anadan olmuşdur. 2004-cü ildə Bakı Dövlət Universitetini, 2013-cü ildə isə Azərbaycan Respublikasının Prezidenti yanında Dövlət İdarəçilik Akademiyasını bitirmişdir.
2006–2012-ci illərdə Azərbaycan Respublikasının Səhiyyə Nazirliyində müxtəlif vəzifələrdə çalışmışdır. 2012–2018-ci illərdə Azərbaycan Respublikasının Standartlaşdırma, Metrologiya və Patent üzrə Dövlət Komitəsində müxtəlif vəzifələrdə fəaliyyət göstərmişdir. 2018-ci ildə Azərbaycan Respublikasının Əmək və Əhalinin Sosial Müdafiəsi Nazirliyinin Aparatında çalışmışdır.
2018–2024-cü illərdə Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətində fəaliyyət göstərmişdir.
01 noyabr 2024-cü il tarixində Azərbaycan Respublikası Prezidentinin sərəncamı ilə Ağdaş Rayon İcra Hakimiyyətinin başçısı təyin edilmişdir.
23 iyun 2020-ci ildə Azərbaycan Respublikasının Prezidenti İlham Əliyev tərəfindən Dövlət qulluğunda səmərəli fəaliyyətinə görə “Dövlət qulluğunda fərqlənməyə görə” medalı ilə təltif edilmişdir.
