2025-ci ilin yanvar-iyun aylarında Şərq-Qərb nəqliyyat dəhlizinin Azərbaycan hissəsi üzrə yük dövriyyəsi 3,292 milyard ton-km olub. Bu göstərici əvvəlki ilin eyni dövrü ilə müqayisədə 42,3 milyon ton-km və ya 1,3% artım deməkdir.
Finss.az bu barədə Dövlət Statistika Komitəsinə istinadən xəbər verir ki, ötən ilin ilk 6 ayında bu dəhliz üzrə yük dövriyyəsi 3,249 milyard ton-km təşkil etmişdi. Həmin dövrdə dəhliz üzrə tranzit yüklərin həcmi 2,117 milyard ton-km olub və bu göstərici əvvəlki ilin eyni dövrünə nisbətən 36,9 milyon ton-km və ya 1,8% artım göstərir.
Qeyd edək ki, 2025-ci ilin yanvar-iyun aylarında Azərbaycan ərazisindən keçən dəhlizlər çərçivəsində dəmir yolu və dəniz nəqliyyatı ilə yük daşımalarından əldə olunan gəlir 260,804 milyon manat təşkil edib. Bu isə ötən ilin eyni dövrünə nisbətən 15,4 milyon manat və ya 5,6% azalma deməkdir.
Fuad Mədətov
Finss.az
