ain.az, Baku.ws portalından verilən məlumatlara əsaslanaraq xəbər verir.
Alimlər NASA-nın InSight aparatı vasitəsilə əldə olunan seysmik məlumatları araşdıraraq Marsın daxili quruluşunu yenidən modelləşdiriblər.
BAKU.WS xəbər verir ki, tədqiqat nəticəsində məlum olub ki, Qırmızı Planetin mantiyası hələ də 4,5 milyard il əvvələ aid nəhəng qayaları özündə saxlayır.
Araşdırmalar göstərib ki, mantiyada dərinliyi 4 kilometrə qədər çatan nəhəng qaya blokları mövcuddur. Bu parçaların planetin yaranmasının ilk dövrlərində baş verən kosmik toqquşmaların qalığı olduğu bildirilir.
Günəş Sisteminin ilk 100 milyon ilində Mars və Yer kimi daxili planetlər intensiv şəkildə meteorit yağışına məruz qalıb. Alimlərin sözlərinə görə, həmin toqquşmalar Marsın gənc qabığını dağıdaraq geniş magma okeanlarının yaranmasına səbəb olub. Soyuma və kristallaşmadan sonra isə müxtəlif tərkibli qaya parçaları mantiyanın dərinliklərində qalıb.
Alimlər bildirir ki, "Marsın daxilində qorunub saxlanılan qədim strukturlar planetlərin geoloji tarixi və təkamülünü öyrənmək üçün unikal imkan yaradır."
Ən son xəbərləri və yenilikləri almaq üçün ain.az saytını izləyin.
