Norveçdən olan futbol mütəxəssisi Ole Qunnar Sulşer Türkiyənin “Beşiktaş” komandasının baş məşqçisi vəzifəsindən qovulub.
Arena.az bu barədə İstanbul klubunun mətbuat xidmətinə istinadən məlumat verir.
“Qara-qartallar” 52 yaşlı mütəxəssislə müqaviləyə qarşılıqlı razılıq əsasında xitam veriblər. Buna komandanın ötən gecə Avropa Konfrans Liqasının pley-off mərhələsində İsveçrənin “Lozanna Sport” klubuna məğlub olaraq avrokuboklarla vidalaşması səbəb olub.
Xatırladaq ki, norveçli mütəxəssis bu ilin yanvar ayında “Beşiktaş”ın baş məşqçisi təyin edilmiş və 1,5 illik müqaviləyə imza atmışdı. O, “qara qartallar”ı 29 oyuna çıxarıb, 15 qələbə, 5 heç-heçə və məğlubiyyət görüb.
Ole Qunnar Sulşer daha öncə “Mançester Yunayted”, “Molde” və “Kardiff Siti” komandalarını da çalışdırıb. Sulşer “Molde”ni iki dəfə (2010/2011 və 2011/2012) Norveç çempionu, bir dəfə (2012/2013) Norveç Kubokunun qalibi edib.
