Yaşadığımız Daş Salahlı kəndində bir qrup ailə çoxdan idi ki, sudan korluq çəkirdi. Qazax Rayon İcra Hakimiyyətinin başçısı Rəcəb Babaşov və "Arkoz Qazax Sement Zavodu" MMC-nin rəhbərliyi Daş Salahlı kəndində sakinlərlə görüş keçirərkən həmin məsələni qaldırdıq və bu barədə tədbir görülməsini xahiş etdik.
RİH-in başçısı "Arkoz Qazax Sement Zavodu" MMC-nin rəhbərliyindən tədbirlər görməsini xahiş etdi. Qısa vaxt ərzində adıçəkilən ərazidə yaşayan ailələrin məişət suyu ilə bağlı problemləri aradan qaldırıldı. Zavoda gələn su xəttindən 40 metr uzunluğunda yeni xətt çəkilərək 10 tonluq su çəninə qoşuldu və həmin çəndən ailələrin yaşadıqları məhəllələrə su verildi.
Hörmətli redaksiya! Kənd sakinlərinin müraciətlərinə biganə qalmayaraq, onların su probemlərini həll edən rayon rəhbərliyinə və "Arkoz Qazax Sement Zavodu" MMC-nin rəhbərliyinə kəndimizin sakinləri adından minnətdarlığımızı bildiririk.
Sahib İMANOV,
Qazax rayon Daş Salahlı kəndinin sakini
