"Bizdə olan məlumata görə, təxminən 2 ay əvvəl Ermənistanın diplomatik korpusunda gizli saxlamağa çalışdıqları səs-küylü həbs olub.
Ermənistanın Avstriyadakı konsulu Aşken Aleksanyan Ermənistana qayıdarkən hava limanında həbs edilib".
Moderator.az xəbər verir ki, tert.am-ın məlumatına görə, bu haqda "Hraparak" mötəbər mənbələrə istinadla yazıb.
Məlumatda bildirilir ki, guya gənc qadın diplomatın üzərindən sənədlər tapılıb və o, Azərbaycanın xeyrinə casusluqda şübhəli bilinib.
"Bundan sonra Ermənistan Milli Təhlükəsizlik Xidməti(MTX) Xarici İşlər Nazirliyinin binasında bütöv gün ərzində axtarış aparıb, kompüterləri yoxlayıb və sənədləri araşdırıb. Və bu həbsin gizli saxlanması qərara alınıb, çünki bu, böyük qalmaqala səbəb ola bilərdi.
Məsələ burasındadır ki, MTN kimisə diplomatik korpusda yüksək vəzifəyə təyin etməzdən əvvəl onların keçmişi, şübhəli əlaqələri və s. yoxlayır... Təyinat yalnız hərtərəfli araşdırmadan sonra həyata keçirilir, nəticəsi barədə təyinat sahibinə məlumat verilir.
İndi məlum olur ki, ya səhvə yol veriblər ki, bu da məsuliyyət məsələsini gündəmə gətirir, ya da təyinat sahibləri müəyyən hallara göz yumub.
Və ört-basdırın bir hissəsi kimi onlar sadəcə olaraq internetdən və bütün açıq mənbələrdən Aşxen Aleksanyan haqqında məlumatları, hətta təyinatla bağlı rəsmi xəbərləri yığışdırıblar.
"Amma XİN sisteminin köhnə əməkdaşlarından biri bizimlə söhbətində bildirdi ki, o, Aşkeni çox yaxşı tanıyır. O, əvvəlcə dövlət qulluqçusu olub, sonra XİN-in konsulluq şöbəsində işləməyə keçib və diplomat rütbəsi alıb, bundan sonra artıq onun haqqında heç bir məlumat yoxdur"- erməni nəşri belə yazır.
Moderator.az-ın araşdırmasından bəlli olub ki, doğrudan da erməni səfir Aşken Aleksanyan haqda internetdə heç bir məlumat yoxdur.
S.Laçın
