ain.az, Xalqcebhesi portalına istinadən məlumat verir.
Araşdırma məlumatları göstərir ki, kirayə qiymətləri nəzərə alınmadan Bakıda yaşamaq Tbilisi ilə müqayisədə 10,5% daha ucuza başa gəlir. Kirayə qiymətləri də daxil olduqda isə, ay ərzində Tbilisidə yaşamaq Bakıya nisbətən 17% daha baha başa gəlir.
Daha dəqiq desək, Tbilisidə bir aylıq yaşayış (kirayə daxil olmaqla) təxminən 8 400 lariyə başa gəlirsə, Bakıda bu məbləğ 6 975 lari təşkil edir.
Aktual xəbər verir ki, "Numbeo" Araşdırma şirkətinin statistikasına görə, Bakıda kirayə qiymətləri də Tbilisidən aşağıdır. Məsələn, Bakının mərkəzində bir otaqlı mənzilin kirayəsi ayda 1 289 lari təşkil edir, Tbilisidə isə 1 922 lariyə başa gəlir. Üç otaqlı mənzilin kirayəsi isə Gürcüstan paytaxtının mərkəzində 3 698 lari olduğu halda, Azərbaycanın paytaxtında 2 598 lari təşkil edir.
Bundan əlavə, Bakıda mənzil almaq da Tbilisidən ucuzdur. Daha dəqiq desək, Bakının mərkəzində 1 kvadratmetrin orta qiyməti 5 879 laridirsə, Tbilisidə 6 min 19 lari təşkil edir. Şəhər ətrafında isə qiymətlər Bakıda 3 143 lari , Tbilisidə isə 3 578 lari civarındadır.
Digər göstəricilərdən fərqli olaraq, Tbilisidə orta əməkhaqqı Bakıya nisbətən 20% yüksəkdir. Daha dəqiq desək, Tbilisidə orta aylıq əməkhaqqı 1 721 lari olduğu halda, Bakıda 1 376 lari təşkil edir.
Yaşayış xərcləri indeksində Bakının restoran və ərzaq məhsullarının qiymətləri də daha aşağıdır. Məsələn, restoranda yemək Tbilisi ilə müqayisədə təxminən 11,1% ucuz, ərzaq məhsullarının qiymətləri isə 13,2% aşağıdır.
Qeyd edək ki: Bu rəqəmlər "Numbeo"nun istifadəçilər tərəfindən təqdim edilən məlumatlarına əsaslanır və real bazarda dəyişikliklər ola bilər.
Cavid
Sonrakı hadisələr barədə daha çox məlumat almaq üçün ain.az saytını izləyin.
