Guardian: Qadınlardan biri Karım Xan tərəfindən təzyiq və sui-istifadəyə məruz qaldığını bildirib...
Poliqon xəbər verir ki, Beynəlxalq Cinayət Məhkəməsinin (BCM) baş prokuroru Karım Xan ikinci dəfə seksual xarakterli hərəkətlərdə və vəzifə səlahiyyətlərindən sui-istifadədə ittiham edilib. Bu barədə Britaniyanın The Guardian qəzeti məlumat yayıb.
Şikayətçi qadın bildirib ki, 2009-cu ildə, təxminən 20 yaşında olarkən Haaqada Karım Xanın ofisində ödənişsiz staj keçib. O zaman Xan MİH-də və digər beynəlxalq tribunalarda hərbi cinayətlər üzrə baş müdafiə vəkili kimi fəaliyyət göstərib.
Qadının sözlərinə görə, Karım Xan dəfələrlə ona təzyiq göstərib, intim yaxınlığa məcbur etməyə çalışıb və vəzifəsindən şəxsi maraqları üçün istifadə edib. O, hadisələrin ofisdə baş verdiyini, xoşuna gəlməyən toxunuşları, sinəsinə əl vurulmasını, həmçinin Karım Xanın evində işləmək üçün dəvət alarkən orada öpüş və toxunuşlarla qarşılaşdığını qeyd edib.
Anonim şəkildə danışan ikinci zərərçəkmiş, prokurorun davranışlarını “uyğunsuz və qorxuducu” adlandırıb. O, stajdan əvvəl Karım Xanı nüfuzlu və etibarlı şəxs hesab etdiyini, lakin təcrübəsinin ağır şəxsi sınağa çevrildiyini deyib.
Poliqon.info
