Oxu.az portalından verilən məlumata əsasən, ain.az bildirir.
Şotlandiyada universitet tələbəsi Skayl fermasında rutin qazıntılar zamanı gözlənilməz və olduqca nadir tapıntı - "qəribə təbəssümü" olan və məharətlə oyulmuş daşdan baş aşkarlayıb.
Oxu.Az bildirir ki, bu barədə "Fox News" nəşri yazıb.
Məlumata görə, tarixi qazıntılarda işləyən Keti Djoss adlı tələbə qız xəndəkdə artefakt tapıb. Qızın sözlərinə görə, qədim baş gün üzünə çıxarılanda sözün əsl mənasında "gözünü ona zilləyib".
Qırmızı qum daşından oyulmuş tapıntıda qıvrım saçlı və müəmmalı təbəssümlü insan təsvir olunub. Burunun olmamasına baxmayaraq, heykəl çox yaxşı qorunub saxlanılıb.
Arxeologiya müəllimi Sara Ceyn Qibbon heykəli "inanılmaz dərəcədə valehedici" adlandırıb. Onun fikrincə, heykəlin yaradılması üçün istifadə olunan material, ehtimal ki, yaxınlıqdakı Edey adasında hasil edilib və köhnə Müqəddəs Məryəm kilsəsinin tikintisi üçün istifadə olunan daşla eynidir.
Başın dəqiq yaşı və təyinatı hələlik sirr olaraq qalsa da, onun fermada mövcudluğu göstərir ki, burada bir vaxtlar, "bir növ əzəmətli bina" yerləşib və ehtimal ki, kilsə ilə əlaqəli olub.
Heykəlin müstəsna şəkildə qorunub saxlanması hətta ustanın kəsiminin ayrı-ayrı izlərini də görməyə imkan verir. Alimlər hesab edirlər ki, heykəl uzun müddət qapalı yerdə qalıb və bu da onu məhv olmaqdan xilas edib.
Hadisənin gedişatını izləmək üçün ain.az saytında ən son yeniliklərə baxın.
