Ermənistanın Baş naziri Nikol Paşinyan ofisindən yeni görüntülər paylaşıb.
Publika.az xəbər verir ki, videoda ABŞ Prezidenti Donald Tramp tərəfindən hədiyyə edilmiş və üzərində “Nikol, sən böyük lidersən” yazısı olan iki foto əks olunub.
Xatırladaq ki, 8 avqust 2025-ci ildə Vaşinqtonda Azərbaycan Prezidenti İlham Əliyev və Ermənistan Baş naziri Nikol Paşinyan ABŞ Prezidenti Donald Trampın vasitəçiliyi ilə keçirilən görüşdə birgə bəyannamə imzalayıblar.
Bəyannamədə tərəflər Zirvə görüşünün regionda qarşılıqlı hörmət və sülhün inkişafı üçün güclü təməl olduğunu vurğulayıblar.
Həmçinin, Azərbaycan və Ermənistan liderləri Amerika Birləşmiş Ştatlarının Prezidentinə səmimi qonaqpərvərliyi və ikitərəfli əlaqələrin normallaşmasına verdiyi mühüm töhfələrə görə dərin minnətdarlıqlarını ifadə ediblər.
