Dörd dəfə dünya çempionu və “Red Bull” pilotu Maks Verstappen keçmiş komanda yoldaşı Serxio Peresin ABŞ komandası “Cadillac”a transfer olunmasını şərh edib.
90deqiqe.Az xəbər verir ki, "Motorsport " niderlandlı pilotun dediklərini belə çatdırıb.
“Xəbəri eşidəndə ona mesaj göndərdim. Onun geri dönməsinə şadam, o, əla insandır. Start qəfəsinə qayıtması sevindiricidir. Onun nəticəsi isə maşından asılı olacaq”.
35 yaşlı Peres Formula-1-də debütünü 2011-ci ildə edib. 2021–2024-cü illərdə “Red Bull” komandasında çıxış edən mexikalı pilot bu müddət ərzində iki dəfə vitse-çempion olub və üçüncü pilləni tutub. Onun aktivində ümumilikdə 6 Qran-Prinin qələbəsi var.
