İsrail Hərbi Hava Qüvvələrinə məxsus təyyarələr Reyhan qəsəbəsi yaxınlığında və Livanın cənubundakı Mahmudiya bölgəsində bir sıra zərbələr endirib.
"Operativ Məlumat Mərkəzi-OMM" xəbər verir ki, bu barədə Livanın milli agentliyi ''NNA'' məlumat yayıb.
“İsrail təyyarələri bu gün axşam saatlarında Reyhan qəsəbəsinin şərq kənarındakı Zağrin bölgəsinə hücum edərək, yer-hava tipli raket zərbələri endirib”, - deyə agentlik bildirib.
Həmçinin agentliyin məlumatına görə, Mahmudiyyə bölgəsindəki Hasbani çayının yatağı hava hücumlarına məruz qalıb. Livan hakimiyyəti dəfələrlə qeyd edib ki, İsrail atəşkəs razılaşmasına baxmayaraq, respublikanın suverenliyini sistematik şəkildə pozmaqda davam edir. İsrail qüvvələri Livanın cənubunda, Qacar kəndinin şimal hissəsi də daxil olmaqla, Livan hakimiyyətinin davam edən işğalı və BMT Təhlükəsizlik Şurasının 1701 saylı qətnaməsinin pozulması kimi qiymətləndirdiyi beş strateji məntəqədə mövcudluğunu saxlayır.
