BAKI, 28 avqust. TELEQRAF
İngiltərə milli komandasının sabiq futbolçusu Ceymi Vardinin yeni klubu müəyyənləşib.
Teleqraf məşhur insayder Canluka Di Martsioya istinadən xəbər verir ki, 38 yaşlı hücumçu karyerasını İtaliyanın "Kremoneze" klubunda davam etdirəcək.
Tərəflər müddəti cari mövsümün sonuna qədər olan müqaviləni razılaşdırıblar.
Daha əvvəl Vardi ilə İtaliyanın digər təmsilçisi "Napoli"nin də maraqlandığı bildirilirdi.
Qeyd edək ki, Ceymi Vardi son olaraq İngiltərənin "Lester Siti" komandasının şərəfini qoruyub. O, "tülkülər"lə iyunun 30-da başa çatan müqaviləsini yeniləməyib. Vardi ötən mövsüm ərzində meydanda olduğu 36 oyunda 10 qol və 4 məhsuldar ötürmə müəllifi olub.
