BAKI, TurkicWorld, Nərmin Ağayeva
İtaliyanın aparıcı nəşri “Panorama” qəzeti Türkiyənin müdafiə sənayesi şirkəti Baykar ilə İtaliyanın aerokosmik nəhəngi Leonardo arasındakı ortaqlığı “Pilotsuz təyyarələrin Ferrarisi” kimi təsvir edib.
TurkicWorld xəbər verir ki, qəzetin “İtaliya-Türkiyə super dronlarının fabrikində səyahət” başlıqlı xəbərində Baykar-ın TB3 pilotsuz uçuş aparatının (PUA) xüsusiyyətləri yüksək qiymətləndirilib.
Leonardo-nun açıqlamasına görə, Avropa pilotsuz döyüş təyyarələri bazarının önümüzdəki on ildə 100 milyard dollar dəyərində olacağı gözlənilir. Baykar-Leonardo birgə müəssisəsi bu bazarda liderlik etmək üçün istehsala zəmanət verəcək. TB3-ün yekun montajının 2026-cı ilin yanvarında İtaliyanın Leonardo fabrikində aparılacağı bildirilib.
X platformasında yayılan məlumatlar, bu ortaqlığın Türkiyənin qlobal müdafiə sənayesindəki nüfuzunu daha da artırdığını vurğulayır.
