"NATO Nizamnaməsinin 5-ci maddəsi əsasında modelləşdirilmiş Ukrayna üçün təhlükəsizlik zəmanətləri Kiyevin Qərb müttəfiqləri tərəfindən nəzərdən keçirilən əsas variantdır" .
"Operativ Məlumat Mərkəzi-OMM" xəbər verir ki, bu barədə İtaliya Baş naziri Giorgia Meloni bildirib .
"NATO Nizamnaməsinin 5-ci maddəsindən ilhamlanan mexanizmə əsaslanan İtaliya təklifi hazırda müzakirələrin önündədir", - o bildirib.
Meloninin sözlərinə görə, İtaliya həmişə Ukraynanın təhlükəsizliyi üçün etibarlı təminatların tərəfdarı olub və bu, sülhün təminatı olacaq.
O qeyd edib ki, bu şərt Avropa liderlərinin bu yaxınlarda Ağ Evdə ABŞ prezidenti Donald Trampla görüşündə təsdiqlənib .
