TBİLİSİ, 27 avqust. TELEQRAF
Gürcüstanın müxalif “Girçi” partiyası Tbilisi meri vəzifəsinə Yaqo Xviçiyanın namizədliyini irəli sürüb.
Teleqraf-ın yerli bürosu xəbər verir ki, bununla paytaxt meri uğrunda mübarizə aparacaq namizədlərin sayı 4-ə çatıb.
Bu vaxta qədər Tbilisi merliyinə hakim “Gürcü Arzusu” partiyası hazırkı mer Kaxa Kaladzenin, “Lelo” və “Qaxariya Gürcüstan naminə” partiyaları İrakli Kupradzenin, “Gürcüstan naminə mühafizəkarlar” partiyası isə Zurab Maxaradzenin namizədliyini təqdim edib.
Mer postuna namizədlər sentyabrın 4-dək irəli sürülə bilər.
Xatırladaq ki, qonşu ölkədə yerli seçkilər oktyabrın 4-də keçiriləcək. Seçicilər Tbilisi də daxil olmaqla 64 şəhər və rayon üzrə mer və sakrebulolara (məşvərətçi orqanlar) deputatlar seçəcəklər. Seçkilərdə 14 partiya iştirak hüququ əldə edib.
