"Fənərbağça"nın baş məşqçisi Joze Mourinyo UEFA Çempionlar Liqasının pley-off mərhələsinin "Benfika" ilə cavab oyunundan öncə klub rəhbərliyini tənqid edib.
Publika.az xəbər verir ki, o, transferlərin olmamasından narazılıq edib:
"Əgər Çempionlar Liqası klubum üçün doğrudan da vacib olsaydı, düşünürəm ki, "Feyenoord" və "Benfika" oyunları arasında nəsə edilərdi. Mənim ixtiyarımda eyni heyət, eyni futbolçular var. Onlar "Feyenoord"a qarşı da çıxış etmişdilər. Klubun bizə "Benfika" ilə bu iki matçda daha çox imkan verməsi üçün əlavə səylər göstərdiyini düşünmürəm".
Qeyd edək ki, "Fənərbağça" bu gün saat 23:00-da baş tutacaq matçda "Benfika"nın qonağı olacaq. Tərəflər arasında ilk oyunda qapılara qol vurulmayıb.
