Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Şamaxı və İsmayıllı rayonlarının inzibati ərazisində ov qaydalarını pozan şəxslər saxlanılıb.
Ekologiya.az bildirir ki, araşdırma zamanı həmin şəxslərin Xızı şəhər sakini Ramin Məmmədov, Mingəçevir şəhər sakini Tacir Mejdunov və Ağdaş rayonu Yuxarı Qəsil kənd sakini Gülağa Cabbarov olduğu müəyyən edilib, onlardan 3 ədəd ov silahı aşkar edilərək maddi sübut kimi götürülüb.
Faktla bağlı qanun pozucuları barəsində protokol tərtib edilib və ümumilikdə 3000 manat məbləğində cərimə tətbiq olunub.
