Son illərdə şirkətlər xərcləri azaltmaq və operativ səmərəliliyi artırmaq məqsədilə süni intellektə üz tutur. Lakin bu keçidin həmişə problemsiz irəliləmədiyi də getdikcə daha aydın görünür.
HİT.Az xəbər verir ki, Avstraliyada baş verən son inkişaf bu sahədəki müzakirələri yenidən gündəmə gətirib.
Avstraliyanın ən böyük banklarından biri olan "Commonwealth Bank of Australia" (CBA) keçən ay 45 müştəri xidmətləri işçisini işdən çıxaracağını açıqlayıb. Səbəb olaraq isə zəng mərkəzlərində süni intellekt dəstəkli bir səsli köməkçinin istifadəyə verilməsi göstərilib. Bank bu yeni sistem sayəsində zəng trafikində əhəmiyyətli bir azalma yaşandığını və bəzi vəzifələrin artıq lazımsız olduğunu iddia edib.
Lakin işçiləri təmsil edən Avstraliya Maliyyə Sektoru Həmkarlar İttifaqı (FSU) bu açıqlamaya sərt reaksiya göstərib. Həmkarlar ittifaqına görə, zəng həcmləri azalmır, əksinə artırır. FSU nümayəndələri, bankın iş yükünü idarə edə bilmək üçün işçilərə artıq iş təklif etdiyini və hətta komanda rəhbərlərini belə müştəri zənglərinə yönləndirdiyini irəli sürüb. Bu iddialar, süni intellektın işlər üzərindəki təsirinə dair sualları da özü ilə gətirib.
Müzakirələr böyüyəndə, bank rəsmiləri geri addım atıb. İlk qiymətləndirmədə səhvlər olduğunu qəbul edən CBA, sözügedən qərarın bütün iş tələbləri kifayət qədər nəzərə alınmadan qəbul edildiyini açıqlayıb. Buna görə də işdən çıxarmaların səhv olduğunu bildirən bank, üzr istəyərək işçilərə köhnə vəzifələrinə qayıtmaq və ya alternativ iş seçimləri təklif edib.
FSU isə bu geri dönüşü “mühüm bir qələbə” kimi qiymətləndirsə də, işdən çıxarılma prosesində baş verənlərin işçilər üzərində dərin bir təsir buraxdığını vurğulayıb. Həmkarlar ittifaqı nümayəndələri, onilliklərlə bankda işləyən bəzi şəxslərin, birdən işsiz qalma və ödənişlərini ödəyə bilməmə təhlükəsi ilə üz-üzə gəldiyini söyləyıb. Stressli və qeyri-müəyyənliklə dolu həftələrdən sonra gələn bu qərarın, işçilərə yaşatdığı emosional və iqtisadi təzyiqi nəzərdən qaçırmaq olmaz.
Bu inkişaf, şirkətlərin süni intellekt texnologiyalarına keçid prosesində nə qədər ehtiyatlı olmalı olduğunu bir daha ortaya qoyur. Süni intellekt sistemləri sürətlə inkişaf etsə də, hər vəziyyətdə insan əməyinin yerini problemsiz şəkildə ala biləcək səviyyədə deyillər. Bəzi mütəxəssislərə görə, bu cür texnologiyaların hələ də sınaq mərhələsində olması, qərarların daha ehtiyatla qəbul edilməsini tələb edir.
Şirkətlərdə tətbiq edilən bir çox süni intellekt layihəsi, əvvəlcə vəd edilən uğru göstərmir. Hər yeni həll, özü ilə bəzi problemləri də gətirə bilir. CBA nümunəsi isə bu prosesin təkcə texnologiya ilə deyil, həm də insanlarla bağlı olduğunu bir daha xatırladır.
Samir
