Ayna portalından verilən məlumata görə, ain.az xəbər yayır.
“Çinlə əlaqələri kəsməkdən imtina etmək məni Çinyönlü edirsə, bu mənada məni Çinyönlü hesab edin"
Cənubi Koreya Prezidenti Li Çae-Myonq bildirib ki, o Çin tərəfdarı mövqeləri deyil, milli maraqları rəhbər tutaraq Çinlə yaxşı münasibətlərin saxlanmasının tərəfdarıdır. AYNA.AZ xəbər verir ki, Prezidentin sözlərini “Yonhap” agentliyi yayıb.
"Bizim diplomatiyamız Cənubi Koreya və ABŞ arasındakı müttəfiqliyə əsaslanır. Amma biz münasibətləri kəsib Çinsiz yaşaya bilərikmi? Əgər Çinlə əlaqələri kəsməkdən imtina etmək məni Çinyönlü edirsə, bu mənada məni Çinyönlü hesab edin", - Li Çae-Myonq Vaşinqtonda ABŞ Prezidenti Donald Trampla görüşə gedərkən deyib.
Bundan əvvəl Cənubi Koreyanın bəzi nəşrləri ABŞ-dakı ekspert icmasının bir hissəsinin Koreya Prezidentini Çinyönlü hesab edə biləcəyindən narahatlığını ifadə etməyə başlayıb. Mətbuatın yazdığına görə, siyasətçinin bir sıra keçmiş açıqlamaları onun haqqında belə bir obraz yarada bilər. Myonq belə qiymətləndirmələri “subyektiv”, öz siyasətini isə “praqmatik” adlandırıb.
Qeyd edək ki, Cənubi Koreya lideri Vaşinqtona səfərindən əvvəl Yaponiyanın Baş naziri ilə danışıqlar aparıb. Li Çae-Myonq çoxtərəfli forumlar istisna olmaqla, ilk xaricə səfəri üçün təyinat yeri olaraq ABŞ-dan çox Yaponiyanı seçən ilk Cənubi Koreya Prezidenti olub.
Sonrakı hadisələr barədə daha çox məlumat almaq üçün ain.az saytını izləyin.
