Ekologiya və Təbii Sərvətlər Nazirliyinin Milli Hidrometeorologiya Xidmətindən bildirilib ki, sabah Bakıda və Abşeron yarımadasında hava dəyişkən buludlu, əsasən yağmursuz olacaq. Mülayim şimal-qərb küləyi əsəcək. Havanın temperaturu gecə 21-25, gündüz 29-34 dərəcə isti təşkil edəcək.
Doğru.az xəbər verir ki, Azərbaycanın rayonlarında da əsasən yağmursuz hava müşahidə olunacaq. Lakin gündüz bəzi şərq rayonlarında leysan xarakterli yağış, şimşək və dolu gözlənilir. Dağlıq ərazilərdə gecə və səhər duman müşahidə ediləcək. Havanın temperaturu gecə 20-25, gündüz 33-38, dağlarda isə gecə 15-20, gündüz 25-30 dərəcə isti olacaq.
DOĞRU.AZ
