ain.az, Bizimyol portalına istinadən məlumat verir.
Rusiya təcavüzünün təkrarlanmaması üçün sülh sazişi imzalanacağı təqdirdə Türkiyə öz qoşunlarını Ukraynaya göndərə bilər.
Bizimyol.info xəbər verir ki, bunu telemarafonun efirində Ukraynanın Türkiyədəki səfiri Nəriman Cəlal deyib.
O qeyd edib ki, Türkiyə Ukraynaya təhlükəsizlik zəmanəti verən dövlətlərə qoşula bilər.
“Türkiyə sülh razılaşması olacağı təqdirdə Rusiyanın təcavüzünün təkrarlanmaması üçün təminat təmin etmək üçün stabilləşdirici amil kimi Ukraynaya qoşun yeritmək potensialını artıq nəzərdən keçirən 10-dan çox ölkədən biridir”, - deyə Cəlal bildirib.
Onun sözlərinə görə, bu ölkə Qara dəniz və Ukrayna ərazilərinin minalardan təmizlənməsinə də qoşulmağa hazırdır. “Dünən Türkiyənin müdafiə naziri Yaşar Gülərlə görüşdüm, çox gözəl söhbətimiz oldu. Türkiyə yaxın vaxtlarda Qara dənizin minalardan təmizlənməsinə qoşulmağa hazırdır. Biz mülki minatəmizləmə, yəni birbaşa ərazilərimiz haqqında danışdıq”, - deyə Cəlal bildirib.
Onun sözlərinə görə, Türkiyə hələ də nümayəndə heyətləri və liderlər səviyyəsində gələcək danışıqlar üçün ən yaxşı platformalardan biri olaraq qalır.
Ukrayna mətbuatının verdiyi məlumata görə, 2025-ci ilin iyulunda Türkiyənin xarici işlər naziri Hakan Fidan Ukrayna və Rusiya arasında sülh danışıqları, həmçinin Ukrayna prezidenti Vladimir Zelenski ilə Rusiya diktatoru Vladimir Putin arasında mümkün görüşlə bağlı açıqlama verib.
Fidan xüsusilə İstanbuldakı danışıqlar zamanı sülhə ən çox Rusiya və Ukraynanın yaxınlaşdığını xatırladıb. Daha sonra o, Rusiyanın danışıqların üçüncü raunduna hazır olduğunu və Ukraynanın cavabının gözlənildiyini bildirmişdi.
Eyni zamanda o, ABŞ prezidenti Donald Tramp, Putin, Zelenski və Türkiyə prezidentinin görüş keçirməsi üçün heç bir maneənin olmadığını vurğulayıb.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
