ain.az bildirir, Bakupost portalına istinadən.
Fransa Prezidenti Emmanuel Makron Qazaxıstan Respublikasının Prezidenti Kasım-Jomart Tokayevlə telefon danışığı aparıb.
Bakupost.az xəbər verir ki, bu barədə Makron öz sosial media hesabında məlumat paylaşıb.
“Mən indicə Qazaxıstan prezidenti ilə danışdım. 2023-cü ilin noyabrında Qazaxıstana səfərimdən və Prezident Tokayevin ötən ilin noyabrında Fransaya dövlət səfərindən sonra biz xüsusilə nəqliyyat və enerji sahələrində strateji tərəfdaşlığımızı gücləndirməyi müzakirə etdik”, – Fransa Prezidenti bildirib.
Onun sözlərinə görə, telefon danışığı zamanı beynəlxalq vəziyyət də diqqət mərkəzində olub:
“Biz Rusiyanın Ukraynadakı müharibəsi və Cənubi Qafqazda davam edən danışıqları müzakirə etdik”, – Makron qeyd edib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
