Azpolitika.az saytından verilən məlumata əsasən, ain.az məlumatı açıqlayır.
Belarus Prezidenti Aleksandr Lukaşenko bildirib ki, ABŞ Prezidenti Donald Tramp ilə son telefon danışığında siyasi məhbusların azadlığa buraxılması mövzusu çox qısa müzakirə olunub.
Xatırladaq ki, Tramp daha əvvəl Minsk hakimiyyətini 1300 siyasi məhbusu azad etməyə çağırmışdı.
Lukaşenko mövzuya münasibət bildirərkən deyib: “Sizə min beş yüz - iki min lazımdır? Buyurun, aparın. Amma hesab edirsiniz ki, biz yanğın törədən, partlayış edən və bunu etiraf edən adamları buraxacağıq? Onlar yenidən bizə qarşı mübarizə aparacaqlar...”.
Prezident əlavə edib ki, ölkədə məhkumların müraciətlərinə baxan xüsusi komissiya mövcuddur, lakin son qərarı şəxsən özü qəbul edir.
Lukaşenko həmçinin 15 avqustda Alyaskada keçirilən Putin–Tramp görüşünə toxunaraq qeyd edib ki, “heç bir konkret razılaşma orada ola bilməzdi”, Tramp isə sadəcə vasitəçi qismində Rusiyanın mövqeyini öyrənməyə çalışıb.
Öz növbəsində Tramp Lukaşenko ilə “mükəmməl söhbət” etdiyini bildirib və söhbətdə 1300 məhbus məsələsinin qaldırıldığını təsdiqləyib. ABŞ Prezidenti həmçinin Lukaşenkonu “güclü lider” adlandırıb və yaxın vaxtlarda bu məsələnin həll olunacağına ümid etdiyini vurğulayıb.
Hüquq müdafiəçilərinin məlumatına görə, hazırda Belarusda 1197 siyasi məhbus var.
“AzPolitika.info”
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
