Türkiyənin Çanaqqala vilayətinin Gelibolu rayonunda meşəlik ərazidə yanğın başlayıb.
Axar.az xəbər verir ki, bu barədə Türkiyə mətbuatı məlumat yayıb.
Qeyd olunub ki, kənddə başlayan yanğın küləyin təsiri ilə sürətlə meşəlik əraziyə yayılıb. Yanğın səbəbindən rayonun iki kəndinin sakinləri təxliyyə olunub.
Hazırda yanğının söndürülməsi üçün qurudan və havadan tədbir görülür.
