525.az portalından verilən məlumata əsasən, ain.az bildirir.
Ermənistanın Baş naziri Nikol Paşinyan birinci prezident Levon Ter-Petrosyanı ən həlledici məqamlarda siyasi məsuliyyətdən qaçmaqda ittiham edib.
525.az xəbər verir ki, bu barədə hökumət rəhbəri sosial şəbəkə hesabında yazıb.
“Siz 1996-cı ildə seçkilərin nəticələrindən, 1998-ci ildə hakimiyyətdən, 2008-ci ildə müxalifətdən qaçdınız. Başa düşürəm ki, indi də bunu istəyirsiniz, amma qaçmağa yer yoxdur”, - Paşinyan əlavə edib.
Baş nazir, həmçinin Ter-Petrosyana sakitləşməyi və Ermənistanda qurulmuş dinc həyatdan həzz almağı tövsiyə edib.
Xatırladaq ki, bundan əvvəl Ter-Petrosyan Paşinyanı daxili siyasi sabitliyi pozmaqda, cəmiyyəti parçalamaqda ittiham edib.
Pərvanə Sultanova
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
