Ermənistanın baş naziri keçmiş prezidentə cavab verib və ona sülh içində yaşamaqdan zövq almağı tövsiyyə edib...
Poliqon xəbər verir ki, bu barədə Ermənistanın baş naziri Nikol Paşinyan Facebook səhifəsində yazıb.
Paylaşımında Paşinyan qeyd edib ki, keçmiş prezident Levon Ter-Petrosyan 1996-cı ildə seçki nəticələrindən qaçıb, 1998-ci ildə hakimiyyətdən, 2008-ci ildə isə müxalifətdən uzaqlaşıb. Paşinyan vurğulayıb ki, indi də Ter-Petrosyana belə bir istək ola bilər, amma artıq qaçacaq yer yoxdur.
“Və buna ehtiyac yoxdur. Sadəcə sakitləşin və Ermənistan Respublikasında yaranmış sülh dolu həyatdan zövq alın. Hər kəsə gözəl gün arzulayıram”, deyə Baş nazir əlavə edib.
Ekspertlər qeyd edirlər ki, Paşinyanın bu açıqlaması Ter-Petrosyanın son dövrlərdə səsləndirdiyi tənqidlərə birbaşa cavab kimi qəbul edilir və ölkədə siyasi sabitliyi ön plana çıxarmaq məqsədi daşıyır. Bu həm də ictimaiyyətə mesajdır ki, hazırda Ermənistan müxalifət və hakimiyyət arasında qarşıdurmadan çox, stabillik və inkişaf dövrünü yaşayır.
Poliqon.info
