Binəqədi rayon İcra Hakimiyyəti rayonun müxtəlif ərazilərində abadlıq-quruculuq ad ilə yollara yamaq vurub.
İcra hakimiyyəti gördüyü işlərlə bağlı İH-in rəsmi saytında məlumat və fotolar paylaşıb. Fotolardan aydın olur ki, Binəqədi rayonunun 6-cı və 9-cu mikrorayonları ərazisində aparılmış qazıntı işlərindən sonra dağıdılmış asfalt örtükləri bərpa edilib. Maraqlısı isə odur ki, icra hakimiyyəti işçiləri ancaq qazılarkən dağıdılmış yerlərə asfalt örtüyü vurub. Asfalt vurulan yerlərin kənarları da dağılmış halda olmasına baxmayaraq, İH həmin yerləri asfaltlamayıb.
İH gördüyü bu yarımçq işlərə də abadlıq-quruculuq adı verərək rəsmi saytlarında paylaşıb.
Binəqədi rayon İcra Hakimiyyətinin gördüyü işlərin fotolarını təqdim edirik.(xalq.online)
Qarşı tərəfi dinləməyə hazırıq.
