Sia Az portalından verilən məlumata əsasən, ain.az bildirir.
Zelenski regionun Rusiyaya təhvil verilməsi təkliflərini rədd edib.
...Ukraynanın sənaye mərkəzi olan Donbasın gələcəyi, Putinin Alyaskada ABŞ prezidenti Donald Trampla görüşü zamanı bölgənin Rusiyaya təhvil verilməsini tələb etməsindən sonra yeni sülh danışıqlarının mərkəzində dayanır.
Bu şərtlər Putinin Ukrayna prezidenti Vladimir Zelenski ilə görüşündə potensial danışıqları çətinləşdirə bilər.
Kiyev ehtiyat edir ki, Donbasın verilməsi Moskvaya demək olar ki, bütün regiona nəzarəti gücləndirməyə və bundan sonrakı hücumlar üçün tramplin kimi istifadə etməyə imkan verəcək.
Zelenski Ukraynanın Donbası “heç vaxt tərk etməyəcəyini” vurğulayıb və Kremlin tələblərini qəbuledilməz adlandırıb. Bölgənin təxminən 88 faizi hazırda Rusiyanın işğalı altındadır: faktiki olaraq bütün Luqansk və Donetsk vilayətinin dörddə üçü...
Ukrayna Donetsk cəbhəsindəki strateji şəhərlər də daxil olmaqla cəmi 6600 kvadrat kilometr əraziyə malikdir.
SİA xatırladır ki, Donbasın iqtisadi və strateji əhəmiyyəti çox böyükdür. Ölkənin ən böyük kömür ehtiyatları burada cəmləşib və regionun özü Ukrayna ordusu tərəfindən 11 illik müharibədə gücləndirilmiş dərin, eşelonlaşdırılmış müdafiəyə malik “qalalar xəttinə” çevrilib.
Donetskin itirilməsi, ekspertlərin fikrincə, fəlakət olardı - cəbhə 80 km qərbə doğru sürüşərək Rusiya üçün Xarkov, Poltava və Dneprə yol açacaqdı.
Təzyiqlərə baxmayaraq, Zelenski atəşkəs naminə "ərazi mübadiləsi" ehtimalını rədd edib.
O, Donbassın qeyri-qanuni işğal edildiyini xatırladıb və xəbərdarlıq edib ki, regiondan imtina Rusiyaya yeni genişmiqyaslı hücum şansı verəcək.
Əli Babayev
Daha ətraflı məlumat və yeniliklər üçün ain.az saytını izləyin.
