İsrail, Suriya və ABŞ Fransada druzlar üçün sərhəd təhlükəsizliyi və humanitar dəhlizi müzakirə edəcək.
İnterpress.az xəbər verir ki, bu barədə İsrail televiziyasının 12-ci kanalı məlumat yayıb.
Bu gün Parisdə İsrailin strateji işlər naziri Dermer, Suriyanın xarici işlər naziri əl-Şibani və ABŞ-ın xüsusi nümayəndəsi Barak arasında üçtərəfli görüş keçiriləcək.
Qeyd olunur ki, danışıqlar Vaşinqtonun himayəsi altında keçirilir və İsrail-Suriya sərhədində təhlükəsizlik tədbirləri, eləcə də Suriyanın Əs-Suveyda əyalətində druz icması üçün mümkün humanitar dəhliz yaradılmasına həsr olunub.
Bu, İsrail və Suriya nümayəndələri arasında son bir ayda – 25 ildən çox birbaşa dialoqun demək olar ki, tam olmamasından sonra ikinci görüşdür.
Mənbələrin bildirdiyinə görə, danışıqlar ötən həftə təxirə salınıb və bu günə təyin edilib.
Xuraman Etibarlı
İnterpress.az
